రణవీర్ తన పెళ్లిలో టోస్ట్ ఇవ్వడంతో వీడియో ప్రారంభమైంది. దీపికా పదుకొణెని పెళ్లి చేసుకుంటానని తాను ఒకసారి చెప్పానని, చివరకు ఆ రోజు వచ్చిందని వెల్లడించాడు. ‘దీప్వీర్’ కలిసిన అందమైన క్షణాల నుంచి.. రణవీర్, దీపికను పెళ్లి చేసుకోవడం గురించి ఆమె ఇంట్లో వారిని ఎలా ఒప్పించాడు.. చివరకు వీరి వివాహం ఎలా జరిగిందనే క్షణాలను ఆ వీడియోలో బంధించారు. దీపికా తండ్రి మాజీ బ్యాడ్మింటన్ లెజెండ్ ప్రకాష్ పదుకొణె తమ నలుగురితో కూడిన ‘బోరింగ్’ కుటుంబానికి రణవీర్ కొంత ఉత్సాహాన్ని తెస్తున్నాడని వీడియోలో తెలిపారు.
సరస్సు దగ్గర జరిగిన మెహందీ వేడుకలో రణ్వీర్ డ్యాన్స్, దీపిక పెళ్లికి సిద్ధమవుతూ.. మండపం వద్ద ఈ జంట ప్రతిజ్ఞలు చేసుకోవడం, వారి ఆనంద్ కరాజ్ వేడుక.. ఇలా అన్నీ వీడియోలో బంధించబడ్డాయి. అంతే కాదు, రణవీర్ పెళ్లికి ముందు తన భార్యను చూడటానికి దీపికా గది బయట వేచి ఉండడం.. ఆ తర్వాత “లవ్ యు బేబీ” అని చెప్పడం కనిపిస్తోంది.
అయితే దీప్ వీర్ పెళ్లి వీడియో చూసిన కరణ్ భావోద్వేగానికి గురయ్యాడు. “ పెళ్లి వీడియో చూడడం.. ఒకరిపై మరొకరు ప్రేమను పంచుకోవడం చూడడం చాలా సంతోషంగా ఉంది. కానీ నేను బంధంలో లేను..ఒంటరిగా ఉన్నాను. ఒంటరిగా ఉండటం వల్ల నేను ఏమి కోల్పోతున్నానో నాకు తెలుస్తోంది. జీవితంలోని విషయాలను పంచుకోవడానికి నాకు సొంత భాగస్వామి లేరు. ప్రతిరోజూ కోల్పోతున్నాను. నాలో కొంత భాగం శూన్యంగా కనిపిస్తోంది. నాకు నా పిల్లలు, అమ్మ ఉన్నారు. సంబంధాలు ఎంత కఠినంగా ఉంటాయని నాకు తెలుసు, కానీ ఒక వ్యక్తితో ఉన్న ఆత్మ సంబంధాన్ని మీరు వారి చేయి పట్టుకుని మేల్కొలపవచ్చు. కష్ట సమయాల్లో మీరు తోడును చూడవచ్చు.” అంటూ భావోద్వాగానికి గురయ్యాడు కరణ్. దీంతో అతడిని ఓదారుస్తూ.. సరైన సమయంలో మీకు సరైన వ్యక్తి దొరుకుతారంటూ దీపికా హామీ ఇచ్చింది. డిస్నీ+ హాట్స్టార్లో ప్రతి గురువారం కొత్త ఎపిసోడ్లు స్ట్రీమింగ్ అవుతాయి.