Day: 26 October 2023
Viral News: ఓరీ దేవుడో.. ఎంతపెద్ద కొండచిలువ.. మేకను సజీవంగా మింగేస్తుంటే చూసిన జనాలను..
జనావాసాల సమీపంలోకి వచ్చిన ఒక భారీ కొండచిలువ.. అక్కడ ఎదురుపడిన ఒక మేకను మింగేసింది. కానీ అవసరానికి మించి ఆహారం తీసుకోవడం వల్ల అది కదలలేకపోయింది. ఈ సంఘటన అక్టోబర్ 19న జరిగింది. సమాచారం అందుకున్న వెంటనే అగ్నిమాపక సిబ్బంది సంఘటనా స్థలానికి చేరుకున్న రెస్క్యూ టీం.. ఆ భారీ సర్పాన్ని పట్టి బంధించారు. 140 కిలోల బరువు, భారీ పొడవైన కొండచిలువ మేకను సజీవంగా మింగేసింది. పాము పొడవు చూసి ప్రజలు భయంతో వణికిపోయారు.
సజీవంగా ఉన్న మేకను మింగుతుండగా చూసిన స్థానికులు వెంటనే అగ్నిమాపక సిబ్బందికి సమాచారం అందించారు. ఈ మేక తన ఇంటి సమీపంలోని ఎన్‌క్లోజర్‌లో ఉండగా, కొండచిలువ దాడి చేసిందని చెప్పారు. అయితే అది కనిపించిన వెంటనే కొండచిలువ దానిపై దాడి చేసిందన్నారు.. కొండచిలువ పూర్తిగా కదలలేక పోవడంతో దానిని పట్టుకునేందుకు ఆ శాఖ పెద్దగా శ్రమించాల్సిన పనిలేకపోయింది. 25 నిమిషాల్లోనే కొండచిలువను అదుపు చేశారు. కొండచిలువను అడవిలోకి విడుదల చేయడానికి ముందు పెనిన్సులర్ మలేషియా డిపార్ట్‌మెంట్ వన్యప్రాణి, నేషనల్ పార్క్‌లకు అప్పగించారు.
అయితే, ఇది పైథాన్‌లో అత్యంత ప్రమాదకరమైన జాతిగా అటవీ శాఖ అధికారులు చెబుతున్నారు. ఇవి మనుషులను కూడా మింగేస్తాయని చెప్పారు. పాములలో ఇది అతి పొడవైన జాతి అని చెప్పారు. ఇలాంటి పైథాన్‌లు దక్షిణ, ఆగ్నేయాసియాలో ఎక్కువగా కనిపిస్తాయని చెప్పారు.
Israel-Hamas War: గాజా ప్రజలకు ఆపన్నహస్తం.. మాటల్లో కాదు చేతల్లో చూపిన భారత్
ఐక్యరాజ్యసమితిలో భారత డిప్యూటీ ప్రతినిధి, రాయబారి ఆర్‌. రవీంద్ర బుధవారం గాజా స్ట్రిప్‌లోని పౌరులకు మానవతా సహాయం పంపడానికి న్యూఢిల్లీ చేస్తున్న ప్రయత్నాలను ఆయన వివరించారు. ఇజ్రాయెల్-హమాస్ యుద్ధం, ఈ ప్రాంతానికి 38 టన్నుల ఆహారం, క్లిష్టమైన వైద్య పరికరాలను పంపినట్లు పేర్కొన్నారు. ఈ రెండు దేశాల మధ్య జరుగుతున్న పరిస్థితులపై ఐక్యరాజ్యసమితి భద్రతా మండలి బహిరంగ చర్చలో భారతదేశానికి ప్రాతినిధ్యం వహిస్తున్న సందర్భంగా రవీంద్ర ఈ ప్రకటన చేశారు. పశ్చిమాసియాలో శత్రుత్వాల తాజా అధ్యాయంపై బహిరంగ చర్చకు ఐక్యరాజ్యసమితి జనరల్ అసెంబ్లీ (UNGA)కి కృతజ్ఞతలు తెలుపుతూ, క్షీణిస్తున్న భద్రతా పరిస్థితి, కొనసాగుతున్న వార్‌లో పౌరులు పెద్ద ఎత్తున నష్టపోవడంపై భారతదేశం తీవ్ర ఆందోళన చెందుతోందని అన్నారు. పెరుగుతున్న మానవతా సంక్షోభం కూడా అంతే భయంకరంగా ఉందని ఆయన అన్నారు.
ఇజ్రాయిల్, హమాస్ యుద్ధం నడుమ గాజాలోని సాధారణ పాలస్తీనా ప్రజలు తీవ్ర ఇబ్బందులు పడుతున్నారు. ఏ సమయంలో ఎలాంటి ప్రమాదం సంభవిస్తుందో తెలియని పరిస్థితి నెలకొందని అన్నారు. మరోవైపు ఇజ్రాయిల్ గాజా స్ట్రిప్ ని దిగ్భంధించింది. ఉత్తర గాజాలోని ప్రజలను సురక్షితమైన దక్షిణ ప్రాంతాలకు వెళ్లాలని సూచించడంతో, ఆ ప్రాంతంలోని 10 లక్షల మందిలో 7 లక్షల మంది దక్షిణ వైపు వెళ్లారు. యుద్ధంతో తల్లడిల్లిపోతున్న గాజా ప్రజలకు భారత్ కూడా ఆపన్నహస్తం అందించింది. పాలస్తీనా ప్రజల కోసం దాదాపుగా 6.5 టన్నుల వైద్యసాయాన్ని, 32 టన్నుల విపత్తు సహాయ సామాగ్రిని పాలస్తీనాకు చేరవేర్చింది. అయితే ఈజిప్టు గుండా గాజాలోకి ఈ సాయం చేరుతుంది.
భారతదేశం పాలస్తీనా ప్రజలకు మందులు, పరికరాలతో సహా 38 టన్నుల మానవతా వస్తువులను పంపిందని అన్నారు. ఈ దేశాల మధ్య చర్చలు జరిపేందుకు ప్రయత్నాలు చేస్తున్నామని అన్నారు. ఈ ప్రాంతంలో మా యుటిలిటీల పెరుగుదల భయంకరమైన మానవతా పరిస్థితిని మరింత తీవ్రతరం చేసిందని ఆయన పేర్కొన్నారు. ఇజ్రాయెల్‌లో అక్టోబర్ 7న జరిగిన ఉగ్రదాడులు దిగ్భ్రాంతికి గురిచేశాయని, వాటిని భారత్ నిర్ద్వంద్వంగా ఖండించిందని ఐరాసలో డిప్యూటీ శాశ్వత రాయబారి పేర్కొన్నారు. ప్రాణనష్టం, అమాయక బాధితులు, వారి కుటుంబాల కోసం ప్రార్థనలు చేసి తన సంతాపాన్ని తెలియజేసిన మొదటి ప్రపంచ నాయకులలో ప్రధాని నరేంద్ర మోడీ ఒకరు అని ఆయన పేర్కొన్నారు.
మరోసారి కాల్పులతో దద్దరిల్లిన అమెరికా.. 22 మంది మృతి, 60 మందికి గాయాలు
అమెరికాలో కాల్పులు ఇప్పట్లో ఆగేలా కనిపించడం లేదు. దేశంలో రోజురోజుకీ గన్‌కల్చర్‌ పెరిగిపోతోంది..తాజగా అమెరికాలో మరోసారి కాల్పుల మోత మోగింది. అమెరికాలోని మైనేలోని లెవిస్టన్ ప్రాంతంలో ఆగంతకులు జరిపిన కాల్పుల్లో 22 మంది చనిపోయారు. 60 మంది వరకూ గాయపడ్డారు. స్పాట్‌కి చేరుకున్న పోలీసులు.. సహాయక చర్యలు చేపట్టారు. గాయపడ్డవారికి ఆస్పత్రులకు తరలించారు. గాయపడినవారిలో కొందరి పరిస్థితి ఆందోళనకరంగా ఉన్నట్లు సమాచారం.
కాల్పులు జరిపిన ఓ వ్యక్తి చేతిలో రైఫిల్‌ పట్టుకొని ఉన్న ఫోటోలు విడుదల చేయగా..పరారీలో ఉన్న నిందితుల కోసం పోలీసులు గాలిస్తున్నారు. స్థానికులు ప్రస్తుతానికి ఇళ్లలోనే ఉండాలని, ఇళ్ల తలుపులు మూసి ఉంచుకోవాలని అధికారులు సూచించారు. లూయిస్టన్‌లో నిందితుడు ఉపయోగించిన బ్లాక్ పెయింట్ కలిగిన వాహనం కోసం వెతుకుతున్నామని.. నిందితుడి ఆచూకి తెలిస్తే సమాచారం ఇవ్వాలని లూయిస్టన్ పోలీసులు సూచించారు.
అమెరికాలో గన్‌ కల్చర్‌పై విస్తృతంగా చర్చ జరుగుతోంది. సామాన్యుల ప్రాణాలు పదుల సంఖ్యలో గాల్లో కలిసిపోతున్నాయి. దీనికి ఎలా చెక్‌ పెట్టాలనే అంశంపై అధ్యక్షుడు సైతం ఫోకస్ చేయాల్సిన పరిస్థితి ఏర్పడింది. ఏదో మనసులో పెట్టుకుని అన్నెం పున్నెం ఎరుగని అమాయకులపై తూటాల వర్షం కురిపిస్తున్న ఘటనలు తరచు జరుగుతూనే ఉన్నాయి.
Israel Hamas War: భారత్ కలల ప్రాజెక్టును ఆపడానికి హమాస్ దాడి.. ఇజ్రాయెల్-హమాస్ యుద్ధంపై అమెరికా అధ్యక్షుడు సంచలన ప్రకటన
ఇజ్రాయెల్ – హమాస్ మధ్య జరుగుతున్న యుద్ధానికి సంబంధించి అమెరికా అధ్యక్షుడు జో బిడెన్ కీలక ప్రకటన చేశారు. భారత్ కలల ప్రాజెక్టును ఆపడానికి హమాస్ దాడి చేసిందని పేర్కొన్నారు. ఇటీవల న్యూఢిల్లీలో జరిగిన జి20 సదస్సు సందర్భంగా భారత్-పశ్చిమ ఆసియా-యూరప్‌ ఎకనామిక్ కారిడార్ (ఐఎంఈఈసీ)పై చేసిన ప్రకటన హమాస్ దాడికి ఒక కారణమని ఆయన అన్నారు. ఈ కారిడార్ మొత్తం ప్రాంతాన్ని రైల్వే నెట్‌వర్క్‌కు కలుపుతుంది. ఈ ప్రాజెక్ట్ మొత్తం ప్రాంతాన్ని రైల్వే నెట్‌వర్క్‌కు కలుపుతుంది.
అక్టోబరు 7న హమాస్ ఉగ్రవాద సంస్థ జరిపిన దాడుల్లో 1,400 మందికి పైగా ఇజ్రాయెల్ ప్రజలు మరణించారు. ఈ దాడి తర్వాత హమాస్‌పై ఇజ్రాయెల్ పెద్ద ఎత్తున ప్రతీకార చర్యను ప్రారంభించింది. ఇద్దరి మధ్య ఇంకా యుద్ధం నడుస్తోంది.
అమెరికా పర్యటనలో ఉన్న ఆస్ట్రేలియా ప్రధాని ఆంథోనీ అల్బనీస్‌తో కలిసి విలేకరుల సమావేశంలో బిడెన్ ఈ ప్రకటన చేశారు. ఆస్ట్రేలియన్ ప్రధాన మంత్రి ఆంథోనీ అల్బనీస్‌తో కలిసి సంయుక్త విలేకరుల సమావేశంలో బిడెన్ మాట్లాడుతూ.. ” హమాస్ దాడికి ఇది కూడా ఒక కారణమని నేను నమ్ముతున్నాను. దీనికి నా దగ్గర ఎలాంటి రుజువు లేదు. కానీ నా మనస్సాక్షి చెబుతోంది. ఇజ్రాయెల్ కోసం ప్రాంతీయ సమైక్యత, మొత్తం ప్రాంతీయ సమైక్యత కోసం మేము చేసిన కృషి కారణంగా, హమాస్ ఈ దాడికి పాల్పడింది. మేము దాడికి పాల్పడినవారిని వదిలిపెట్టలేం. మేము ఈ ప్రాజెక్ట్‌ను వదిలిపెట్టలేం.. కొనసాగిస్తాం.”
హమాస్ దాడికి జో బిడెన్ ఇండియా-మిడిల్ ఈస్ట్-యూరోప్ ఎకనామిక్ కారిడార్ (IMEC)ని ఒక వారంలోపే ప్రస్తావించడం ఇది రెండోసారి. చాలా మంది ఈ ఆర్థిక కారిడార్‌ను చైనా BRI ప్రాజెక్ట్‌కు ప్రత్యామ్నాయంగా కూడా చూస్తున్నారు. ఇది అమెరికా, ఇండియా, సౌదీ అరేబియా, యునైటెడ్ అరబ్ ఎమిరేట్స్, ఫ్రాన్స్, జర్మనీ, ఇటలీ, ఐరోపా దేశాలను సంయుక్తంగా కలుపుతుంది. సెప్టెంబరులో న్యూఢిల్లీలో జరిగిన జి20 సదస్సు సందర్భంగా భారత్ ఈ విషయాన్ని ప్రకటించింది. ఈ కారిడార్ రెండు భాగాలుగా ఉంటుంది. ఒక భాగం భారతదేశాన్ని గల్ఫ్ ప్రాంతంతో అనుసంధానించే తూర్పు కారిడార్, మరొక భాగం గల్ఫ్ ప్రాంతాన్ని యూరప్‌తో అనుసంధానించే ఉత్తర కారిడార్.
Vijayadashami: ఆర్మీతో కలిసి ఆయుధపూజ చేసిన రక్షణ మంత్రి రాజ్ నాథ్ సింగ్.. దేశ ప్రజలకు శుభాకాంక్షలు చెప్పిన ప్రధాని మోడీ..
సైనికుల యూనిఫాం ప్రాముఖ్యత, సరిహద్దుల భద్రతను నిర్ధారించడంలో వారి ముఖ్యమైన పాత్రను రక్షణ మంత్రి రాజ్ నాథ్ మరోమారు ప్రస్తావించారు. రక్షణ మంత్రి రాజ్‌నాథ్ సింగ్ ప్రపంచ వేదికపై భారతదేశం వేగంగా అభివృద్ధి చెందుతోందని.. ఆ ధైర్యాన్ని ఇచ్చిన ఘనత సైనికులకు సొంతం అని ప్రశంసల వర్షం కురిపించారు. ప్రధాని నరేంద్ర మోడీ నాయకత్వంలో దేశం సాధించిన ఆర్థికాభివృద్ధి, ప్రగతిని ప్రశంసించిన రక్షణ మంత్రి, సరిహద్దుల రక్షణలో సైనికుల కృషి లేకుండా ఇలాంటి విజయాలు సాధించలేవని ఉద్ఘాటించారు.
తన పర్యటనలో భాగంగా రాజ్‌నాథ్ సింగ్ వ్యూహాత్మకంగా ముఖ్యమైన తవాంగ్ సెక్టార్‌లో మోహరించిన సైనికులతో సమావేశమయ్యారు. తవాంగ్‌లో సాంప్రదాయకమైన ఆయుధ పూజను నిర్వహించి ప్రత్యేక ప్రార్థనలు చేశారు. అంతే కాకుండా చెడుపై మంచి సాధించిన విజయానికి ప్రతీకగా ఆయన సైనికులతో కలిసి విజయదశమి వేడుకలు జరుపుకున్నారు. తవాంగ్ సెక్టార్‌లో చైనా పిఎల్‌ఎ ఆక్రమణలకు సంబంధించిన అనేక సంఘటనలు జరిగాయి. గత ఏడాది డిసెంబర్‌లో పీపుల్స్ లిబరేషన్ ఆర్మీ తవాంగ్ సెక్టార్‌లోని వాస్తవ నియంత్రణ రేఖ (ఎల్‌ఎసి)ని ఉల్లంఘించింది. అప్పటి నుండి సరిహద్దుల వద్ద మరింత భద్రత పెంచడం ఆవశ్యకత గురించి పదే పదే చెబుతూనే ఉంది. తగిన ఏర్పాట్లు చేస్తూ.. ఆర్మీకి తగిన ప్రోత్సాహాన్ని అందిస్తూనే ఉంది.
Char Dham yatra : పాత రికార్డులన్నీ బద్దలు కొట్టిన చార్ధామ్ యాత్ర.. తొలిసారిగా 50 లక్షల మార్కును దాటింది!
2021లో కోవిడ్ మహమ్మారి కారణంగా యాత్రకు నష్టం వాటిల్లినందున 5.18 లక్షల మంది భక్తులు మాత్రమే సందర్శించగలిగారు. 2022లో 46.27 లక్షల మంది భక్తులు తీర్థయాత్రకు వచ్చారు. 27 డిసెంబర్ 2016న, ప్రధాన మంత్రి నరేంద్ర మోడీ ఉత్తరాఖండ్‌లో ఆల్-వెదర్ రోడ్‌కు శంకుస్థాపన చేయడం ద్వారా మెరుగైన కనెక్టివిటీకి ఒక ముఖ్యమైన అడుగు వేశారు. ఈ ప్రతిష్టాత్మక ప్రాజెక్ట్ ప్రాథమిక లక్ష్యం చార్ ధామ్: యమునోత్రి, గంగోత్రి, కేదార్‌నాథ్, బద్రీనాథ్‌లకు అన్ని వాతావరణ కనెక్టివిటీని మెరుగుపరచడం.
ఈ ప్రాజెక్ట్ యాత్రికులకు సురక్షితమైన, సౌకర్యవంతమైన రవాణాను అందించింది. వాతావరణ పరిస్థితులు లేదా సహజమైన అడ్డంకులు లేకుండా వారి ప్రయాణాన్ని చేపట్టేందుకు వీలు కల్పించింది. ఈ శాశ్వత రహదారి ప్రాజెక్ట్ పూర్తి చేయడం వల్ల ఈ ప్రాంతానికి, అక్కడి నివాసితులకు ఎంతో ప్రయోజనం చేకూరుతుంది. దీని సానుకూల ఫలితాలు ప్రస్తుతం కనిపిస్తున్నాయి. ఇది పర్యాటకాన్ని ప్రోత్సహించడంతో పాటు ఈ ప్రాంతంలో వాణిజ్యాన్ని కూడా సులభతరం చేస్తుంది. ఇది ఉత్తరాఖండ్ ఆర్థికాభివృద్ధిని బలోపేతం చేస్తుంది.
Vastu Tips: ఈ మొక్కలను ఇంట్లో పెంచితే.. అదృష్టం కలిసి వస్తుంది!
ఇంట్లోని అందరూ సంతోషంగా, శ్రేయస్సుతో ఉండాలంటే.. వాస్తు దోషాలు లేకుండా చూసుకోండి. ఇంట్లో సరైన విధంగా వాస్తు లేకపోతే.. ఇంట్లో ఎప్పుడూ గొడవలు, చికాకులు, ఆర్థిక ఇబ్బందులు, పేదరికం తాండవిస్తుంది. ఇలాంటివేమీ లేకుండా ఉండాలంటే.. కొన్ని రకాల వాస్తు టిప్స్ మనకు బాగా సహకరిస్తాయి. ఇంట్లోని వస్తువులు, మనుషులకే కాదు.. మొక్కలను పెంచడానికి కూడా వాస్తు ఉంటుందన్న విషయం చాలా తక్కువ మందికే తెలుసు. కొన్ని రకాల మొక్కలను ఈ దిక్కుల్లో పెడితే.. ఇంట్లో ఆరోగ్యం, అదృష్టం కలిసి వస్తుంది. మరి ఆ మొక్కలు ఏంటి? వాటిని ఏ దిక్కుల్లో పెడితే మంచిదో ఇప్పుడు చూద్దాం.
అరటి చెట్టు:
అరటి చెట్టును విశాలంగా ఉంటుంది కాబట్టి.. చాలా మంది దీన్ని ఇంట్లో పెంచరు. కానీ దీన్ని కూడా చిన్న కుండీల్లో నాటవచ్చు. ఈ అరటి చెట్టు తూర్పు దిక్కన పెట్టాలి. అరటి చెట్టును ఇంట్లో పెంచడం వల్ల శ్రేయస్సు పెరుగుతుంది. అంతే కాకుండా అరటి చెట్టు దాని చుట్టూ ఉన్న ప్రాంతాన్ని శుభ్ర పరుస్తుంది.
మనీ ప్లాంట్:
ఇప్పుడు ఈ మొక్క అందరి ఇళ్లలోనూ ఉంటుంది. దీన్ని లక్ష్మీ దేవి స్వరూపంగా భావిస్తారు. ఈ మొక్క ఆరోగ్యంగా ఎదిగితే.. ఇంట్లో కూడా ఆర్థికంగా ఎలాంటి ఇబ్బందులు ఉండని అందరూ భావిస్తూంటారు. వాస్తు ప్రకారం ఈ మొక్కను ఇంటి ఆగ్రేయ మూలలో ఉంచాలి. ఇలా చేస్తే వాస్తు దోషాలు తొలగుతాయి.
అశోక చెట్టు:
అశోక చెట్టుకు మంచి శుభ శక్తులు ఉంటాయని నమ్మకం. అందుకే దీన్ని పవిత్రమైన మొక్కగా గుర్తిస్తారు. ఈ చెట్టు ఇంటికి ఉత్తర దిశలో ఉంచాలి. ఇది ఇంటికి సాను కూల శక్తిని తెస్తుంది.
తులసి మొక్క:
తులసి మొక్క గురించి ప్రత్యేకంగా పరిచయాలు అవసరం లేదు. ఈ మొక్క గురించి అందరికీ తెలుసు. తులసి మొక్కను కూడా పవిత్రమైన మొక్కగా భావించి పూజలు అనేవి చేస్తూంటారు. ఈ మొక్క ఇంట్లో ఉండటం వల్ల వాస్తు దోషాలు తొలగి.. కుటుంబం అంతా ఆనందంగా ఉంటారు. తులసిని ఇంటికి ఉత్తరం లేదా ఈశాన్య దిక్కులో పెట్టాలి. ఇలా పెడితే శుభ ఫలితాలు ఉంటాయి. తులసి మొక్క అస్సలు కార్బన్ డయాక్సైడ్ విడుదల చేయదు. కాబ్టటి ఇది ఆరోగ్యంగా కూడా చాలా మంచి ఫలితాలను అందిస్తుంది.
లక్కీ బ్యాంబూ మొక్క:
ఇప్పుడు చాలా మంది లక్కీ బ్యాంబూ మొక్కను కూడా ఇంట్లో పెట్టుకుంటూ ఉంటారు. దీని వల్ల కూడా అదృష్టం కలిసి వస్తుందని భావిస్తారు. ఈ మొక్క సంపద, అదృష్టాన్ని ఆకర్షిస్తుంది. అందుకే ఇది ఇండోర్ ప్లాంట్ గా బాగా ప్రాచూర్యం పొందింది. ఈ మొక్కను ఇల్లు లేదా ఆఫీసుల్లో ఉంచడం వల్ల అన్ని రంగాల్లో అదృష్టం కలిసి వస్తుంది.
Ayodhya Ram Mandir: అయోధ్య రాములవారి విగ్రహ ప్రతిష్టాపన మహోత్సవానికి రండి.. ప్రధాని మోదీని ఆహ్వానించిన ఆలయ ట్రస్ట్ సభ్యులు
విశ్వవ్యాప్తంగా కోట్లాదిమంది రామ భక్తుల చిరకాల స్వప్నం సాకారం అవుతోంది. శ్రీరామచంద్రుడి జన్మభూమి అయోధ్యలోని రామ మందిరం ప్రాణ ప్రతిష్ఠ కార్యక్రమానికి శుభ ముహూర్తం ఖరారు అయింది. ఈ కార్యక్రమంలో ప్రధాని నరేంద్ర మోదీ కూడా పాల్గొననున్నారు. శ్రీ రామ జన్మభూమి తీర్థ క్షేత్ర ట్రస్ట్ సభ్యులు చంపత్ రాయ్, నృపేంద్ర మిశ్రా, మరో ఇద్దరు ప్రధాని మోదీని కలిసి.. ఆ కార్యక్రమానికి ఆహ్వానించారు. ట్రస్ట్ సభ్యుల అభ్యర్థన మేరకు, ప్రధాని మోదీ ఆహ్వానాన్ని అంగీకరించారు.
వెయ్యేళ్లు అయినా సరే.. చెక్కు చెదరని.. ప్రపంచంలోనే అత్యద్భుతమైన రామమందిర నిర్మాణం జరుగుతోంది. భక్తుల ఆశలకు.. ఆకాంక్షలకు అనుగుణంగా రామమందిర నిర్మాణం పూర్తి అయ్యింది. ఈక్రమంలోనే.. అయోధ్య రామమందిరం ప్రారంభోత్సవానికి ముహూర్తం ఖరారైంది. రామ్ లల్లా విగ్రహ ప్రాణ ప్రతిష్ఠ కార్యక్రమాన్ని… అంగరంగ వైభవంగా నిర్వహించనున్నట్లు శ్రీరామ జన్మభూమి తీర్ధ్ క్షేత్ర ట్రస్టు ప్రకటించింది.
2024 జనవరి 22న రామమందిర ప్రతిష్ఠాపన కార్యక్రమం జరుగనుంది. ఈ కార్యక్రమం మధ్యాహ్నం 12:30 గంటలకు నిర్వహించబడుతుంది. దీనికి సంబంధించి అయోధ్యలో ముమ్మరంగా ఏర్పాట్లు జరుగుతున్నాయి. రామ మందిర ప్రాణప్రతిష్ఠపన మహోత్సవానికి రావాలంటూ స్వయంగా ప్రధాని మోదీ ట్వీట్ చేశారు. ప్రధాని మోదీ ఇలా రాశారు- ‘జై శ్రీరామ్! ఈ రోజు భావోద్వేగాలతో నిండిన రోజు. ఇటీవల శ్రీ రామజన్మభూమి తీర్థ క్షేత్ర ట్రస్టు సభ్యులు నన్ను కలవడానికి నా నివాసానికి వచ్చారు. శ్రీరామ మందిర ప్రతిష్ఠాపన సందర్భంగా అయోధ్యకు రావాల్సిందిగా ఆయన నన్ను ఆహ్వానించారు. ఇది రాములవారి ఆశీర్వాదంగా భావిస్తున్నాను. అంటూ ట్వీట్ ప్రధాని మోదీ చేశారు.
VK Pandian: ఒడిశా పాలిటిక్స్‌లో సూపర్ సీఎం.. ఐఏఎస్ అధికారికి బంపర్ ఆఫర్.. అసలు ఏం జరిగిందంటే..?
ట్రాన్స్ఫర్మేషనల్ ఇన్సియేటివ్స్(Transformational Initiatives) పదవి కల్పిస్తూ నిర్ణయం తీసుకుంది. అలాగే క్యాబినెట్ హోదా కూడా కల్పిస్తూ ఉత్తర్వులు జారీ చేసింది. 2000 నుంచి ఐ.ఏ.ఎస్ అధికారిగా అనేక బాధ్యతలు చేపట్టిన పాండ్యన్ ఇటీవల ఒడిశా రాజకీయాల్లో సెంటర్ ఆఫ్ అట్రాక్షన్ గా నిలిచారు. 2011 నుంచి ఒడిశా సీఎం నవీన్ పట్నాయక్ వ్యక్తిగత కార్యదర్శిగా ఉన్న కార్తికేయ పాండ్యన్.. అత్యంత నమ్మకస్తుడిగా పేరు తెచ్చుకున్నారు. 2019 ఎన్నికల ముందు బిజేడి అభ్యర్థుల ఎంపికలో పాండ్యన్ కీలకంగా వ్యవహరించారు. ఇక ఆ తర్వాత ప్రభుత్వంలో ప్రతి కీలక నిర్ణయం వెనుక కార్తీకేయ పాండ్యన్ ఆలోచన ఉండేదని పార్టీ వర్గాలు చెబుతున్నాయి.
ఇక ప్రతిపక్షాలైతే నిత్యం ముఖ్యమంత్రి నవీన్ పట్నాయక్ కంటే కార్తికేయ పాండ్యన్ నే ఎక్కువగా టార్గెట్ చేసేవి. ఐఏఎస్ అధికారి రాజ్యాంగేతర శక్తిగా మారారని అన్నింట్లో తల దూర్చేవారని ఆరోపణలు చేసేవి కూడా.. ఇక అధికార పార్టీ మంత్రులు, ఎమ్మెల్యేలు, ఎంపీలకు కూడా కార్తికేయ పాండ్యన్ తీరు నచ్చేది కాదు. సీఎంను కలవాలన్నా ముందుగా కార్తికేయ పాండ్యన్ ని కలవాల్సిందే.. ఇక పాండ్యన్ ని కలవడం కూడా అంతగా కుదిరేది కాదని అసంతృప్తిగా ఉండే పరిస్థితి. ఇక త్వరలో ఎన్నికలు దగ్గరపడుతున్న సమయంలో కార్తికేయ పాండ్యన్ ఇలాంటి విమర్శల నుంచి విముక్తి కోసం తాను దూరమవ్వాలని నిర్ణయం తీసుకున్నట్లు సమాచారం..
