సూపర్ స్టార్ రజినీకాంత్ తాజాగా జైలర్ సినిమాతో సాలిడ్ హిట్ అందుకున్నారు. ఈ మధ్య కాలంలో సూపర్ స్టార్ రజినీకాంత్ నటించిన సినిమాలన్నీ బాక్సాఫీస్ దగ్గరబోల్తా కొట్టాయి. దాంతో రజిని ఫ్యాన్స్ అంతా కాస్త నిరాశకు గురయ్యారు. అయితే జైలర్ సినిమా సంచలన విజయం సాధించి అభిమానులను ఫుల్ ఖుష్ చేసింది. నెల్సన్ దిలీప్ దర్శకత్వంలో వచ్చిన జైలర్ సినిమా ఏకంగా 700కోట్లకు పైగా వసూల్ చేసింది. జైలర్ సినిమాను లేపింది అనిరుధ్ సంగీతం అనే చెప్పాలి. ఇక ఇప్పుడు ఓటీటీలోనూ జైలర్ సినిమా మంచి వ్యూస్ తో దూసుకుపోతుంది. ప్రస్తుతం రజినీకాంత్ లోకేష్ కానగరాజ్ దర్శకత్వంలో ఓ సినిమా చేస్తున్నారు. ఇటీవలే ఈ సినిమాను అఫీషియల్ గా అనౌన్స్ చేశారు. ఈ సినిమాలో చాలా మంది స్టార్ నటులు నటిస్తున్నారు.
లోకేష్ కానగరాజ్ దర్శకత్వంలో తెరకెక్కిన లియో సినిమా త్వరలో ప్రేక్షకుల ముందుకు రానుంది. హై ఓల్టేజ్ యాక్షన్ ఎంటర్టైనర్స్ కు లోకేష్పెట్టింది పేరు. గతంలో ఆయన దర్శకత్వంలో వచ్చిన ఖైదీ సినిమా విక్రమ్ సినిమాలు ఎంత పెద్ద హిట్ అయ్యాయో ప్రత్యేకంగా చెప్పాల్సిన అవసరం లేదు. ఇక దళపతి విజయ్ నటిస్తున్న లియో సినిమాకు ఖైదీ, విక్రమ్ సినిమాలకు లింక్ ఉంటుందని వార్తలు వినిపిస్తున్నాయి.
తాజాగా లియో సినిమా ట్రైలర్ రిలీజ్ అయ్యింది. ఈ ట్రైలర్ సినిమా పై అంచనాలను పెంచేసింది. ఇక ఇప్పుడు సూపర్ స్టార్ రజినీకాంత్ సినిమాను కూడా మొదలు పెట్టేశాడు. సూపర్ స్టార్ రజినీకాంత్ మూవీ షూటింగ్ కేరళలో మొదలైంది. సూపర్ స్టార్ సినిమా కావడంతో షూటింగ్ స్పాట్ కు అభిమానులు భారీగా వచ్చారు. షూటింగ్ స్పాట్‌కి రజనీ వచ్చినప్పుడు తలైవా అంటూ నినాదాలు చేస్తూ హంగామా చేశారు. ఇందుకు సంబంధించిన వీడియో సోషల్ మీడియాలో వైరల్ గా మారింది. ఈ వీడియోలు సూపర్ స్టార్ మరింత యంగ్ లుక్ లో కనిపిస్తున్నారు. ఇక ఈ సినిమాలో అమితాబ్‌ బచ్చన్‌, రానా కీలక పాత్రలో నటిస్తున్నారు.
