జీవితం మనకు కనిపించినంత సులువు కాదని అంటారు. చాలా సార్లు మనం ఆ విషయాన్ని చాలా సందర్భాల్లో చూస్తూనే ఉన్నాం.. జీవితాన్ని నడపడం కోసం చాలా కష్టపడాలి. పేదరికం చాలా క్రూరమైనది అని ఎవరో సరిగ్గా చెప్పారు..! పేదరికం కొందరిని మరణం వరకు విడిచిపెట్టదు. తన పరిస్థితితో సంబంధం లేకుండా కష్టపడి పని చేస్తారు. వీరి లక్ష్యం డబ్బు సంపాదన మాత్రమే. ప్రస్తుతం ఓ వీడియో వైరల్ అవుతుంది. ఆ వీడియోలో ఒక మహిళ ఊతకర్రల మీద నడుస్తూ అడుక్కుంటోంది. ఆ సమయంలో కూడా ఆ మహిళ తన బిడ్డను విడిచి పెట్టలేదు.
ఓ వికలాంగురాలు రోడ్డుపై ఊతకర్రల సాయంతో నడుస్తోన్న దృశ్యాన్ని వీడియోలో చూడవచ్చు. స్వతహాగా ఆ మహిళ నిటారుగా నిలబడలేని పరిస్థితి. అయితే ఆ మహిళ వీపు మీద పిల్లను పెట్టుకుంది. అప్పుడు ఆ చిన్నారి పుచ్చకాయ ఆనందంగా తింటోంది. ఇంతలో ఆ మహిళకు ఒక వ్యక్తి డబ్బులు ఇవ్వడానికి వచ్చాడు.
ఈ వీడియో @RobertLyngdoh2 అనే ఖాతా Xలో షేర్ చేశారు. 80 వేల మందికి పైగా వీక్షించారు. ఈ వీడియోను షేర్ చేస్తున్నప్పుడు.. ఇది చూసిన తర్వాత మీ గుండె కొట్టుకోవడం ఆగిపోతుందని క్యాప్షన్ కూడా ఇచ్చారు. నరకం నుండి బయటపడవచ్చు .. అయితే భూమిపై పేదరికమే నిజమైన నరకం అని కొందరు కామెంట్ చేశారు.
