చెన్నై: తన తాత మాజీ ముఖ్యమంత్రి కరుణానిధి అడుగుజాడల్లోనే నడవాలని లక్ష్యంగా పెట్టుకున్నానని రాష్ట్ర యువజన సంక్షేమం, క్రీడాభివృద్ధి శాఖల మంత్రి ఉదయనిధి స్టాలిన్‌(Minister Udayanidhi Stalin) అన్నారు. నాగపట్టినంలో గురువారం ఉదయం కరుణానిధి శతజయంతి వేడుకలలో భాగంగా ఏర్పాటైన సభలో నిరుపేద విద్యార్థులకు ఉపకారవేతనాలు, విద్యా ఉపకరణాలు, మహిళలకు ఉచిత కుట్టుమిషన్లు పంపిణీ చేశారు. ఈ సందర్భంగా ఆయన విలేఖరులతో మాట్లాడుతూ… దేశంలో అత్యున్నత స్థాయి దర్యాప్తు సంస్థలుగా పేరు గడించిన సీబీఐ, ఈడీ, ఐటీ సంస్థలు ప్రస్తుతం కేంద్రంలోని బీజేపీ పాలకుల చేతుల్లో కీలుబొమ్మల్లా మారాయని ఆరోపించారు. అన్నాడీఎంకే మాజీ మంత్రులు విజయభాస్కర్‌, ఎస్పీ వేలుమణి నివాసగృహాలు, కార్యాలయాలు, వారి అనుచరుల నివాసగృహాల్లో ఐటీ దాడులు ముమ్మరంగా జరిగాయని, అయితే బీజేపీ ప్రభుత్వం ఎవరినీ అరెస్టు చేయలేదన్నారు. బీజేపీ(BJP) పాలకులు ఎన్ని అవరోధాలు కల్పించినా, తప్పుడు ఆరోపణలతో అరెస్టు చేసినా డీఎంకే చెక్కుచెదరని, ప్రజల మద్దతు తమ పార్టీకే ఉందని అన్నారు. ఈడీ, సీబీఐ, ఐటీ సంస్థలను ఉసికొల్పినా డీఎంకే సాధారణ కార్యకర్త కూడా భయపడే ప్రసక్తి లేదని అన్నారు. తాను అన్నాదురై, పెరియార్‌ బోధనలను ఒంటపట్టిచుకున్నానని, ఆ ఇరువురి బాటలో పయనించిన తన తాత అడుగుజాడల్లోనే నడుస్తానన్నారు. ఎలాంటి బెదిరింపులకు భయపడనని, అవసరమైతే తాత మారురూపంలా వ్యవహరించేందుకు వెనుకాడనని ఉదయనిధి పేర్కొన్నారు.
Author: admin
మరో వివాదానికి తెర లేపిన ఢిల్లీ లెఫ్టినెంట్ గవర్నర్
ఢిల్లీ ఎలక్ట్రిసిటీ రెగ్యులేటరీ కమిషన్ చైర్మన్ నియామకం వివాదాస్పదం అవుతుంది. ఏకపక్షంగా ఢిల్లీ ఎలక్ట్రిసిటీ రెగ్యులేటరీ కమిషన్ చైర్మన్ పేరును లెఫ్టినెంట్ గవర్నర్ సిఫార్సు చేయటంతో ఈ కొత్త వివాదం నెలకొంది. అలహాబాద్ మాజీ జడ్జి జస్టిస్ ఉమేశ్ కుమార్ ను ఢిల్లీ ఎలక్ట్రిసిటీ రెగ్యులేటరీ కమిషన్ చైర్మన్ గా నియమిస్తూ ఉత్తర్వులు జారీ చేశారు లెఫ్టినెంట్ గవర్నర్. DERC ఛైర్మన్ గా రాజస్థాన్ హైకోర్టు రిటైర్డ్ జస్టిస్ సంగీత్ లోధా పేరును నిన్న లెఫ్టినెంట్ గవర్నర్ కు సిఫారసు చేసింది ఢిల్లీ ప్రభుత్వం.
ఢిల్లీ రాష్ట్ర కేబినెట్ సిఫారసును కాదని ఏకపక్షంగా ఎలా నియామకం చేస్తారంటూ రాష్ట్ర ప్రభుత్వం మండిపడింది. ఢిల్లీలోని ఎన్నికైన ప్రభుత్వ సిఫార్సుకు వ్యతిరేకంగా DERC ఛైర్మన్‌ను నియమించడం చట్టం, రాజ్యాంగ విరుద్ధమన్న ఢిల్లీ విద్యుత్ శాఖ మంత్రి అతిషి పేర్కొన్నారు. అసెంబ్లీ ఎన్నికల్లో కేజ్రీవాల్‌కి ఎందుకు మెజారిటీ ఇచ్చారని ఢిల్లీ ప్రజలపై బీజేపీ ప్రతీకారం తీర్చుకుంటోందన్న విమర్శ ఉంది. ఢిల్లీ ప్రజలకు 24గంటల ఉచిత కరెంటు అందకుండా ఉండేందుకు కేంద్ర ప్రభుత్వం కుట్ర పన్నిందని ఆరోపించారు అతిషి. తాజాగా లెఫ్టినెంట్ గవర్నర్ వ్యవహారంపై సుప్రీంకోర్టుకు వెళతామని స్పష్టం చేసింది ఆప్ ప్రభుత్వం.
Opposition leaders meeting: పాట్నాలో విపక్ష పార్టీల ఐక్యత సమావేశం..‘ఇది సిద్దాంతాల యుద్ధం’ సమావేశానికి ముందు రాహుల్..
పాట్నా: మోదీ ప్రభుత్వానికి వ్యతిరేకంగా విపక్ష పార్టీల ఐక్యత సమావేశం (Opposition leaders meeting) మరికొద్దిసేపట్లో బీహార్ సీఎం నితీష్‌కుమార్ (Bihar CM Nithish Kumar) నివాసంలో ప్రారంభం కానుంది. ఈ సమావేశంలో 15 ప్రతిపక్ష పార్టీలు పాల్గొననున్నాయి.
విపక్ష పార్టీల ఐక్యత సమావేశంలో పాల్గొనేందుకు కాంగ్రెస్ నేతలు రాహుల్‌గాంధీ (Rahul Gandhi), మల్లికార్జున్ ఖర్గే(Mallikarjun Kharge), శివసేన (యూబీటి) నేత ఉద్ధవ్ థాక్రే ఇప్పటికే పాట్నా చేరు కున్నారు. 2024 లోక్‌సభ ఎన్నికలు, ఎన్డీఏను ఎదుర్కొనేందుకు ప్రధాన ఫ్రంట్ ఏర్పాటు రోడ్ మ్యాప్‌పై ఈ సమావేశంలో చర్చించనున్నారు. బీహార్ సీఎం నితీష్ కుమార్ అధ్యతన విపక్ష పార్టీల నేతలు సమావేశం కానున్నారు.
లోకమాన్య తిలక్ ఎక్స్ ప్రెస్ కోచ్ లో భారీ మంటలు.. పరుగులు తీసిన జనం
ఈ మద్య రైలు ప్రమాదాలు వరుసగా జరగడంతో ప్రజలు ఆందోళన చెందుతున్నారు. తాజాగా బేసిన్ బ్రిడ్జి సమీపంలోని లోకమాన్య తిలక్ ఎక్స్‌ప్రెస్ కోచ్‌లో గురువారం మంటలు చెలరేగడంతో ప్రయాణికులు ప్రాణభయంతో ట్రైన్ దూకి పరుగులు తీశారు. లోకమాన్య తిలక్ ఎక్స ప్రెస్ ట్రైన్ ఈ రోజు సాయంత్రం 6 గంటలకు చెన్నై నుంచి ముంబైకి బయలుదేరింది. బయలుదేరి కొద్ది నిమిషాల్లోనే చెన్నై బేసిన్ బ్రిడ్జి సమీపంలోకి రాగానే ట్రైన్ ఇంజన్ నుంచి ఒక్కసారిగా మంటలు రావడంతో లోకో పైలట్ ట్రైన్ ని నిలిపివేశాడు. వెంటనే రైల్వే పోలీసులకు, ఫైర్ సిబ్బందికి సమాచారం అందించాడు. హుటాహుటిన సిబ్బంది వచ్చి ఇంజన్ లోని మంటలు కంపార్ట్ మెంట్స్ కి వ్యాపించకుండా గంటపాటు పోరాడి మొత్తానికి మంటలను ఆర్పివేశారు.
మంటలు కంట్రోల్ లోకి తెచ్చిన తర్వాత రీప్లేస్ మెంట్ ఇంజన్ ని అమర్చి రైలు అక్కడ నుంచి బయటుదేరేందుకు సిద్దం చేశారు. హై వోల్టేజీ లైన్ పై రుద్దుకు పోవడంతో ఇంజన్ లో మంటలు చెలరేగినట్టు సమాచారం. అయితే ఖచ్చితమైన కారణం గురించి వివరాలు తెలియరాలేదు. ట్రైన్ లో నుంచి మంటలు రావడంతో దట్టంగా పొగ అల్లుకుంది. దీంతో ప్రయాణికులు ఒక్కసారే భయంతో వణికిపోయారు.. ఆగమేఘాల మీద ట్రైన్ దూకి పరుగులు పెట్టారు. ఈ ఘటన అక్కడ తీవ్ర సంచలనం సృష్టించింది. కాగా, రైల్ మంటల కారణంగా అరక్కోణం మీదుగా వెళ్లే రైళ్లు కొద్దిపాటి ఆలస్యంగా వెళ్తాయని అధికారులు తెలిపారు.
Apple Watch Alert: ప్రాణాల రక్షణలో యాపిల్ వాచ్ టాప్.. ఇదిగో ప్రూఫ్.. ఈ మహిళ మాటలు వింటే షాకవుతారు..
కిమ్మీ వాట్కిన్స్ అనే 29 ఏళ్ల మహిళ ఆమె ఆపిల్ వాచ్ ద్వారా ఆమె అధిక హృదయ స్పందన రేటు గురించి హెచ్చరించింది. ఆ సమయంలో ఆమె నిద్రపోతోంది. ఆమె నిద్రలో ఉన్నప్పుడు ఆమె హృదయ స్పందన నిమిషానికి 178 బీట్‌లకు పెరిగింది. దీనికి ముందు ఆమె మైకంతో బాధపడుతుంది. దీంతో ఆమె గంటన్నర నుంచి పడుకునే ఉంది. అయితే అధిక హృదయ స్పందన రేటు నేపథ్యంలో వాచ్‌లో అలారం వల్ల ఆమె మేల్కొంది. ఈ అధిక హృదయ స్పందన రేటు దాదాపు 10 నిమిషాలు ఉందని ఆమె పేర్కొంది. దీంతో వాట్కిన్స్ వైద్యుల వద్దకు వెళ్లినప్పుడు, ఆమెకు సాడిల్ పల్మనరీ ఎంబోలిజం ఉందని, ప్రాణాపాయకరమైన రక్తం గడ్డకట్టడం జరిగిందని ఆమె చెప్పిందని నివేదిక పేర్కొంది. సాడిల్ పల్మనరీ ఎంబోలిజం అనేది అన్నింటికంటే తీవ్రమైనది, అలాగే ప్రాణాపాయం. ఎందుకంటే ఇది రక్తం గడ్డకట్టడం వల్ల రక్తనాళాన్ని కుడి ఊపిరితిత్తులకు, ఎడమ ఊపిరితిత్తులకు చేర్చుతుంది. ప్రస్తుతం వాట్కిన్స్ రక్తం పలచబడుతోంది. ఆమె శక్తిని తిరిగి పొందుతోంది. యాపిల్ కంపెనీ ఈ నెల ప్రారంభంలో జరిగిన డబ్ల్యూడబ్ల్యూడీసీ 2023 సందర్భంగా మానసిక ఆరోగ్యం ప్రాముఖ్యతపై బలమైన ప్రాధాన్యతనిచ్చింది. యాపిల్ వాచ్ ఓఎస్ కొత్త ఆరోగ్య లక్షణాలను ప్రకటించింది. అందువల్ల మీరు యాపిల్ వాచ్ భవిష్యత్తులో శారీరక ఆరోగ్య ట్రాకింగ్ కంటే చాలా ఎక్కువ చేయగలరు.
Whatsapp Tips: వాట్సాప్‌లో ఆ ఒక్క ఫీచర్ డిసేబుల్ చేస్తే చాలు.. మీ ఫోన్ స్టోరేజ్ సేఫ్.. వివరాలు తెలుసుకోండి
వాట్సాప్‌లో ఆటో-డౌన్‌లోడ్ అంటే?
మీరు వాట్సాప్‌లో మీడియా ఫైల్‌ను స్వీకరించినప్పుడు యాప్ దాన్ని ఆటోమేటిక్‌గా మీ ఫోన్ గ్యాలరీలో సేవ్ చేస్తుంది. మీడియా విజిబిలిటీ ఎంపిక డిఫాల్ట్‌గా ఆన్ అవుతుంది. ఈ ఫీచర్ ఆన్ లేదా ఆఫ్ చేయబడిన తర్వాత డౌన్‌లోడ్ చేయబడిన కొత్త మీడియాను మాత్రమే ఈ ఫీచర్ ప్రభావితం చేస్తుంది. అలాగే పాత మీడియాకు వర్తించదు.
మీరు ఆటో డౌన్‌లోడ్ ఫీచర్‌ను నిలిపివేసిన తర్వాత మీరు నిర్దిష్ట చాట్‌లోని ఫోటోలు, వీడియోలు లేదా పత్రాలను మాన్యువల్‌గా డౌన్‌లోడ్ చేయాల్సి ఉంటుందని గుర్తుంచుకోండి. మీకు అనవసరమైన మీడియాను పంపుతుందని మీరు భావించే సమూహాలు లేదా వ్యక్తిగత చాట్‌ల కోసం మాత్రమే ఫీచర్‌ని నిలిపివేయడం మంచిది. కాబట్టి, మీరు ఆ చాట్ నుండి ఏదైనా ముఖ్యమైనది పొందినట్లయితే, మీరు దానిని మీ సొంతంగా డౌన్‌లోడ్ చేసుకోవచ్చు. ఈ ఫీచర్ వల్ల మీ మొబైల్ డేటాలో కొంత మొత్తాన్ని కూడా ఆదా చేస్తుంది.
హైదరాబాద్‌ మార్కెట్లో ఇళ్ల ధరల్లో వృద్ధి
హైదాబాద్‌ రియల్‌ ఎస్టేట్‌ మార్కెట్లో ఇళ్ల ధరలు ఈ ఏడాది జనవరి–మార్చి మధ్య 13 శాతం పెరిగాయి. చదరపు అడుగు రూ.10,410గా ఉంది. ఈ వివరాలను క్రెడాయ్, కొలియర్స్, లైసెస్‌ ఫొరాస్‌ సంయుక్తంగా విడుదల చేసిన ‘హౌసింగ్‌ ప్రైస్‌ ట్రాకర్‌ రిపోర్ట్‌ క్యూ1 2023’ నివేదిక వెల్లడించింది. దేశవ్యాప్తంగా ఎనిమిది ప్రధాన పట్టణాల్లో ఇళ్ల ధరలు చదరపు అడుగుకు సగటున 8 శాతం మేర క్రితం ఏడాది ఇదే కాలంతో పోల్చినప్పుడు పెరిగాయి.
హైదరాబాద్‌లో కోరమ్‌ ‘డిస్ట్రిక్ట్‌150’: అయిదేళ్లలో 8కి పైగా వెంచర్లు
ఆఫీసు కార్యకలాపాలు, సమావేశాలతో పాటు సాంస్కృతిక కార్యక్రమాలు వంటి ఈవెంట్ల నిర్వహణకు కూడా వేదికగా ఉపయోగపడేలా హైదరాబాద్‌లో ’డిస్ట్రిక్ట్‌150’ పేరిట కొత్త వెంచర్‌ను ప్రారంభిస్తున్నట్లు కోరమ్‌ క్లబ్‌ వెల్లడించింది. దేవ్‌భూమి రియల్టర్స్‌ భాగస్వామ్యంలో రూ. 16.5 కోట్ల పెట్టుబడితో దీన్ని నెలకొల్పుతున్నట్లు మంగళవారం విలేకరుల సమావేశంలో సంస్థ వ్యవస్థాపకుడు, సీఈవో వివేక్‌ నారాయణ్‌ వెల్లడించారు.
దాదాపు 35,000 చదరపు అడుగుల విస్తీర్ణంలో ఉండే ’డిస్ట్రిక్ట్‌150’ ఈ ఏడాది మూడో త్రైమాసికంలో ప్రారంభించనున్నట్లు వివరించారు. ఇందులో ఒపెరా తరహా హాల్, పాడ్‌కాస్ట్‌ రికార్డింగ్‌ స్టూడియో, కాన్ఫరెన్స్‌ రూమ్‌లు, థియేటర్, జిలా బ్రాండ్‌ ఇండియన్ రెస్టారెంట్, సబ్‌కో కాఫీ బ్రాండ్‌ మొదలైనవి ఉంటాయని పేర్కొన్నారు. వచ్చే అయిదేళ్లలో 8 పైగా ఇటువంటి వెంచర్లను ఏర్పాటు చేయనున్నట్లు ఆయన తెలిపారు. తదుపరి వెంచర్‌ను బెంగళూరులో నెలకొల్పుతున్నట్లు నారాయణ్‌ వివరించారు.
Komaki Electric Scooter: అప్‌డేటెట్ ఫీచర్లతో కోమకి ఎలక్ట్రిక్ స్కూటర్ రీ లాంచ్.. అదిరే రేంజ్.. ధర మాత్రం అందుబాటులోనే..
కోమకి ఎస్ఈ ఎలక్ట్రిక్ స్కూటర్ ధర, లభ్యత..
ఈ ఎలక్ట్రిక్ స్కూటర్ ఎకో, స్పోర్ట్ స్పోర్ట్ పెర్ఫార్మెన్స్ అప్‌గ్రేడ్ అనే మూడు వేరియంట్‌లలో అందుబాటులో ఉంది, వీటి ధరలు వరుసగా ధర రూ. 96,968, రూ. 1,29,938, రూ. 1,38,427 (ఎక్స్-షోరూమ్)గా ఉన్నాయి. ఈ కోమకి ఎస్ఈ ఎలక్ట్రిక్ స్కూటర్ జెట్ బ్లాక్, రాయల్ బ్లూ, ప్యూర్ గోల్డ్, గార్నెట్ రెడ్ కలర్ ఆప్షన్‌లలో అందుబాటులో ఉంటుంది .
కోమకి ఎస్ఈ ఎలక్ట్రిక్ స్కూటర్ స్పెసిఫికేషన్‌లు..
ఈ స్కూటర్ లో 3 kW సామర్థ్యంతో హబ్ మోటార్ ఉంది. లిథియం ఐరన్ ఫాస్ఫేట్ బ్యాటరీ ప్యాక్ ఉంటుంది. సింగిల్ చార్జ్ పై ఎకో వేరియంట్ 75 కి.మీ నుండి 90 కి.మీల రేంజ్ ఇస్తుంది. అదే స్పోర్ట్స్ వేరియంట్ స్కూటర్ అయితే 110 కిమీల నుంచి 140 కిమీ వరకు రేంజ్ ఇస్తుంది. అదే స్పోర్ట్స్ పెర్ఫామెన్స్ అప్ గ్రేడ్ వెర్షన్ అయితే 150 కి.మీ నుంచి 180 కి.మీ రేంజ్ ఇస్తుందని కంపెనీ ప్రకటించింది. బ్యాటరీ చార్జింగ్ ఇంట్లో చేస్తే నాలుగు నుంచి ఐదు గంటలు పడుతుంది. గరిష్టంగా గంటకు 75 నుంచి 80 కిలోమీటర్ల వేగంతో వెళ్లగలుగుతుంది.
Junior Asia Cup 2023: జపాన్‌ను చిత్తుచేసి ఫైనల్ చేరిన టీమిండియా.. నేరుగా ప్రపంచ కప్ టోర్నీకి క్వాలిఫై..
Women’s Junior Asia Cup 2023: జపాన్ వేదికగా జరుగుతున్న జూనియర్‌ మహిళల ఆసియా కప్ హాకీ టోర్నీలో భారత జట్టు ఫైనల్‌కు దూసుకెళ్లింది. శనివారం జరిగిన సెమీఫైనల్‌లో టీమిండియా అమ్మాయిలు 1-0తో ఆతిథ్య జపాన్ జట్టుపై విజయం సాధించారు. మ్యాచ్ ఆద్యంతం కూడా ఒక గోల్ మాత్రమే నమోదు అయింది. హోరాహోరీగా సాగిన ఈ సెమీస్‌‌లో భారత్‌ తరఫున, అలాగే పూర్తి మ్యాచ్‌లో సునేలితా(47వ నిమిషంలో) ఏకైక గోల్ చేసింది.
అయితే ఆసియా కప్ టోర్నీ టాప్ 3 స్థానాల్లో నిలిచిన జట్లు ఈ ఏడాది(నవంబర్-డిసెంబర్) చివరిలో జరిగే ఎఫ్‌ఐహెచ్‌ జూనియర్‌ ప్రపంచకప్‌నకు అర్హత సాధిస్తాయి. ఈ క్రమంలో ఆసియా కప్ ఫైనల్‌కి చేరిన టీమిండియా.. శాంటియాగో వేదికగా జరిగే ప్రపంచకప్ టోర్నీకి క్వాలిఫై అయింది.
మరోవైపు ఆదివారం జరిగే ఆసియా కప్ ఫైనల్ 2023 మ్యాచ్‌లో చైనా లేదా సౌత్ కోరియాతో మన అమ్మాయిలు తలపడనున్నారు.
WEB POSTS :
